فعالان حقوق زنان افغانستان در تاجیکستان بر هم‌گرایی و هماهنگی تاکید کردند

همایش سالانه شورای زنان افغانستان در تاجیکستان با شعار «به‌سوی کنگره جهانی زنان افغانستان» با حضور دیپلمات‌ها، استادان دانشگاه، فعالان حقوق زنان و نمایندگان نهادهای مدنی از کشورهای مختلف، به‌ صورت حضوری و آنلاین در سفارت افغانستان در جمهوری تاجیکستان برگزار شد.

در این برنامه، ثنا صدیقی رییس شورای زنان افغانستان کوچک، ضمن ارایه‌ی گزارش یک‌ساله از فعالیت‌ها و دست‌آوردهای شورا، بر گسترش هم‌کاری و انسجام میان زنان افغانستان برای دفاع از حقوق و نقش‌آفرینی مؤثر آنان تاکید کرد.

هم‌چنین محمدظاهر اغبر سفیر افغانستان در جمهوری تاجیکستان، با تاکید بر حفظ وحدت ملی، افراط‌گرایی و جهل را از مهم‌ترین تهدیدهای جامعه افغانستان دانست. او کوچ اجباری ساکنان شهرک سبز (حاجی نبی) را محکوم کرد و آن را مغایر با اصول حقوق بشر و موازین بین‌المللی خواند.

برگزارکنندگان این نشست، آن را گامی مهم در مسیر هم‌گرایی فعالان حقوق زنان و زمینه‌ساز برگزاری «کنگره جهانی زنان افغانستان» عنوان کردند.