کارزار ملی واکسین پولیو دوشنبه آغاز می‌شود

نهاد «افغانستان عاری از پولیو» اعلام کرده که کارزار تازه تطبیق واکسین پولیو از دوشنبه، ۳۱ ثور، در سراسر کشور آغاز می‌شود.

این نهاد از خانواده‌ها خواسته کودکان زیر پنج سال خود را واکسین کنند، زیرا پولیو درمان ندارد اما قابل پیش‌گیری است.

در دور قبلی، ۱۱.۶ میلیون کودک واکسین شده بودند. به گزارش روزنامه هشت صبح، افغانستان در سال جاری یک مورد مثبت پولیو را در ولایت بادغیس ثبت کرده است. پولیو هنوز تنها در افغانستان و پاکستان بومی باقی مانده است.